National speaker essembly of pakistan strong relationships between pakistan and south korea

The national speaker assembly of Pakistan strong relationships between Pakistan and South Korea

سپیکر قومی اسمبلی کا پاکستان اور کوریا کے درمیان تعلقات کو مستحکم بنانے کے لیے پارلیمانی وفود کے تبادلوں کی ضرورت پر زور

روزنامہ حب پاکستان اسلا م آباد 7اگست 2017 : سپیکر قومی اسمبلی سردار ایاز صادق نے کہا ہے کہ پاکستان جمہوریہ کوریا کے ساتھ جامع اور پائیدار تعلقات کو فروغ دینے کے لیے پر عزم ہے ۔ انہوں نے کہا کہ پاکستان جمہوریہ کوریا کے ٹیکنالوجی اورمینوفیکچرنگ کے شعبوں کے خصوصی مہارت کے لیے ایک پر کشش مارکیٹ ثابت ہو سکتا ہے ۔انہوں نے ا ن خیالات کا اظہار پیر کو پارلیمنٹ ہاؤس میں جمہوریہ کوریاکی قومی اسمبلی کے سپیکر Mr. Chung Sye-Kyun سے اپنی ہونے والی ملاقات میں کیا ۔ اس موقع پر پاک کوریا فرینڈ شپ گروپ کے کنوینر قیصر احمد شیخ بھی موجود تھے ملاقات میں پاکستان اور کوریا کے پارلیمانی واقتصادی تعلقات سمیت اہم علاقائی و عالمی امور پر تفصیلی تبادلہ خیال کیا گیا ۔
National speaker essembly of pakistan strong relationships between pakistan and south korea

سر دار ایاز صادق نے کہا کہ پاکستان بنیادی طور پر ایک زرعی ملک ہے اور قدرتی وسائل سے مالا مال ہے اور کوریاکی ٹیکنالوجی اور مینوفیکچرنگ کے شعبوں میں مہارت کے لیے مشترکہ تعاون کے منصوبوں کے وسیع مواقع موجود ہیں ۔انہوں نے کہا کہ پاکستان علاقائی اور عالمی رابطوں پر یقین رکھتا ہے اور پاکستان کے اسٹرٹیجک تر جیحات میں کوریا کو انتہائی اہمیت حاصل ہے ۔انہوں نے اپنے کورین ہم منصب کو پاکستانی مصنوعات کی کورین منڈیوں تک رسائی میں کردار ادا کرنے کے لیے کہا اور یقین دلایا کہ پاکستان کی سیاسی قیادت دوستانہ تعلقات کو فروغ دینے میں گہری دلچسپی رکھتی ہے ۔انہوں نے کہا کہ سر مایہ کاروں اور نجی شعبے کے مابین مسلسل رابطے ، تعلیم اور سیاحت کے شعبوں میں تعاون میں اضافہ دوطر فہ تعلقات کو مزید مستحکم بنانے میں اہم کردار ادا کر سکتے ہیں ۔

سردار ایاز صادق نے کہا کہ پاکستان کشمیر کے پر ا من حل پر یقین رکھتا ہے اور خطے میں امن اور سیکورٹی چاہتا ہے۔ کیوں کہ امن کا قیام خطے کی تر قی اور خوشحالی کے لیے ناگزیر ہے ۔انہوں نے عالمی برادری پر کشمیر میں ہونے والی انسانی حقو قی کی خلاف ورزیوں اور بگڑتی ہوئی صورت حال کا نوٹس لینے کی ضرورت پر زور دیا اور مقبوضہ کشمیر میں بھارتی ظلم وستم کی اعلی سطح پر مذمت کرنے کے لیے کہا ۔

پاک چین اقتصادی راہداری (CPEC) کا خطے کی تر قی میں گیم چینجرمنصوبے کی حیثیت کا حوالہ دیتے ہوئے انہوں نے کہا کہ سی پیک منصوبہ خطے کی بے مثال تر قی کے لیے ایک مشترکہ خواب کا اظہار ہے۔

سردار ایاز صادق نے کہا کہ پا کستان کی پارلیمان دو طر فہ تعلقات کو نئی سمت دینے اور مستحکم بنانے کے لیے پر عزم ہے ۔انہوں نے کہا کہ دونوں ممالک کے پارلیمانوں میں قائم فرینڈ شپ گروپس پارلیمانی تعلقات کو فروغ دینے میں اہم کردار ادا کر سکتے ہیں ۔انہوں نے دونوں ممالک کے مابین پارلیمانی وفود کے تبادلوں کی ضرورت پر زور دیا ہے ۔
National speaker essembly of pakistan strong relationships between pakistan and south korea

کوریا کی قومی اسمبلی کے سپیکر Mr. Chung Sye-Kyun نے پاکستان کی طر ف سے کوریا کے ساتھ دوستی کے جذبات کو سراہتے ہوئے دونوں ممالک میں تجارت کے شعبے میں تعاون کو وسعت دینے کی خواہش کا اظہار کیا ۔ انہوں نے کہا کہ کوریا پاکستان کے ساتھ تجارت، اقتصادی اور مینوفیکچرنگ کے شعبوں میں تعاون کو فروغ دینے کا خواہشمند ہے ۔انہوں نے کہا کہ پاکستان زراعت ،قدرتی وسائل اور تیزی سے تر قی پذیر معیشیت کی وجہ سے کوریا کے سر مایہ کاروں کے لیے انتہائی پر کشش ملک ہے ۔انہوں نے سپیکر کو کوریا کی قیادت کی طر ف سے دوطر فہ تعلقات کو فروغ دینے کے لیے کوششیں جاری رکھنے کا یقین دلایا ۔

مہمان سپیکر نے قومی اسمبلی میں رکھی مہمانوں کی کتاب میں اپنے تاثرات قلمبند کیے اور پارلیمنٹ ہاؤس کے سبزہ زار 

میں پودا لگا یا ۔بعدازاں وفد نے قومی اسمبلی ہال کا دورہ بھی کیا

The national speaker assembly of Pakistan strong relationships between Pakistan and South Korea